Dewch i fod ymhlith y cyntaf i astudio yng nghampysau nodedig newydd y Fro CCAF
Gallech fod ymhlith y cyntaf i ddysgu sgiliau newydd neu symud ymlaen yn eich gyrfa yn un o ddau gampws nodedig newydd Coleg Caerdydd a'r Fro - ac mae cyfle i chi ddysgu rhagor yn y Nosweithiau Agored fis Tachwedd.
Bydd y nosweithiau hyn , a gynhelir ddydd Mawrth 3ydd Tachwedd yng Nghampws Canol y Ddinas CCAF a dydd Mercher 4ydd Tachwedd yng Nghampws y Barri a Chanolfan Ryngwladol Hyfforddiant Awyrofod (ICAT) CCAF, yn cynnig y cyfle i drafod opsiynau yn y dyfodol a gwneud cais am gyrsiau sydd wedi'u lleoli ym mhob un o gampysau CCAF, gan gynnwys y ddau gyfleuster newydd sbon yn y Fro, sy'n agor ym mis Medi 2027.
Bydd myfyrwyr sy'n dewis astudio yng Nghampws newydd Glannau'r Barri yn elwa o gampws bywiog a modern yng nghanol cymuned fywiog glannau'r Barri, nid nepell ar droed o gysylltiadau trafnidiaeth. Bydd y campws yn cynnig amrywiaeth eang o gyrsiau a chyfleoedd i bobl ifanc ac oedolion sy'n awyddus i ennill sgiliau newydd, mynd ymlaen i'r brifysgol neu ddatblygu eu gyrfaoedd, mewn meysydd fel Iechyd a Gofal, Lletygarwch, Trin Gwallt a Harddwch, Dysgu Creadigol a Sylfaen.
Yn y cyfamser, mae'r Ganolfan Technoleg Uwch wedi'i lleoli ochr yn ochr ag ICAT ym Maes Awyr Caerdydd. Bydd y ganolfan newydd yn darparu cyfleusterau a chyfarpar o safon diwydiant ac o'r radd flaenaf, gan gynnwys robotiaid diwydiannol, peiriannau CNC, dronau a cherbydau trydan, gan roi i fyfyrwyr y sgiliau a'r profiadau sydd eu hangen ar gyflogwyr ar gyfer y dyfodol mewn meysydd fel Peirianneg, Technoleg Fodurol, Cyfrifiadura, E-chwaraeon, Adeiladu a'r Amgylchedd Adeiledig, Technoleg Werdd ymhlith eraill.
Mae disgwyl i'r ddau gampws agor yn haf 2027 a hwn fydd y prosiect addysg bellach sero net cyntaf yng Nghymru. Mae'r prosiect £119m yn cael ei gyflawni drwy Raglen Cymunedau Dysgu Cynaliadwy Llywodraeth Cymru.
Diddordeb mewn bod ymhlith y cyntaf i brofi campysau newydd cyffrous CCAF ym Mro Morgannwg? Gallwch archebu eich lle yn un o Nosweithiau Agored mis Tachwedd CCAF yma.
