Bydd hanner y cwrs hwn yn canolbwyntio ar berfformio a chrefft llwyfan, wrth i’r hanner arall ymdrin â: 

• chyfansoddi a threfnu caneuon 
• chynhyrchu, cymysgu a recordio mewn stiwdio
• rheoli, cysylltiadau cyhoeddus a hyrwyddo

Ein nod yw eich helpu i ddatblygu fel cerddor, perfformiwr ac arweinydd band, a hynny wrth roi dealltwriaeth gadarn ichi am farchnata, cysylltiadau cyhoeddus a hyrwyddo. 
Nid yn unig rydym yn un o’r unig ysgolion sy’n cynnig hyfforddiant personol ar eich offeryn dewisol drwy gydol y cwrs, ond byddwch hefyd yn elwa ar weithdai a sesiynau ymarferol sy’n benodol ar gyfer crefft llwyfan, recordio, cymysgu, cynhyrchu a thrywydd cerddorol.  

Byddwch yn astudio'r modiwlau canlynol dan arweiniad tiwtoriaid sy’n ymarfer yn weithredol mewn busnes cerddoriaeth:

Blwyddyn 1 (lefel 4):

• Perfformio ar gyfer recordio
• Theori recordio
• Ymarfer recordio 
• Perfformio mewn sefyllfa go iawn
• Trefnu a chyfansoddi caneuon
• Deall y diwydiannau creadigol 

Blwyddyn 2 (lefel 5):

• Celfyddyd perfformio
• Recordio cerddoriaeth
• Arwain mewn perfformiad
• Dulliau ymchwil ar gyfer perfformio a recordio
• Deall cyhoeddi cerddoriaeth
• Hefyd, un modiwl dewisol o naill ai sgiliau busnes ar gyfer y diwydiant cerddoriaeth neu addysgu cerddoriaeth ac addysgeg. 

Lefel 6:

• Prosiect recordio a pherfformio
• Perfformio i gynulleidfa
• Offer recordio
• Perfformio i’r diwydiant
• Hyrwyddo eich gyrfa

Mae ein lleoliad, sy’n agos i’r sefyllfa gerddorol fywiog yng Nghaerdydd, yn cynnig profiadau unigryw ar gyfer lleoliadau gwaith, profiad gwaith a rhwydweithio. Yn rheolaidd, rydym yn mynd â myfyrwyr i recordio yn y Rockfield Studios anhygoel yn Sir Fynwy, yn ogystal â mynd â theithiau grŵp i Stuttgart i weithio yn y sector cerdd ieuenctid.  Byddwn hefyd yn eich annog i gydweithio ag artistiaid a cherddorion eraill yn CCAF fel eich bod yn gallu cymhwyso eich sgiliau i amrywiaeth o sefyllfaoedd byw, gan weithio gyda pherfformwyr o amrywiaeth o genres.

Cliciwch yma am fwy

Ffioedd Dysgu: £9,000.00

• DipHE, Gradd Sylfaen, HND neu gyfwerth yn y maes pwnc 
• Yn ogystal â thri TGAU, gan gynnwys Mathemateg a Saesneg (neu gyfwerth) 

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.