Effeithiau Arbennig Theatrig. Gwallt a Cholur y Cyfryngau

L3 Lefel 3

Llawn Amser

1 Medi 2027 — 24 Mehefin 2028

Campws Canol y Ddinas, Caerdydd

Ynglŷn â'r cwrs

Mae’r Diploma Lefel 3 blwyddyn o hyd hwn mewn Colur, Gwallt, Effeithiau Arbennig ac Elfennau Theatraidd yn gymhwyster lefel technegol sydd wedi ei ddylunio i ddysgwyr sy’n anelu at ddechrau gyrfa broffesiynol yn y diwydiant gwallt a cholur.

Mae’r cwrs yn paratoi dysgwyr at gynnig gwasanaethau colur a gwallt o ansawdd uchel ar draws ystod eang o sectorau creadigol, gan gynnwys teledu, theatr, y celfyddydau perfformio, a gwaith ffotograffig. Caiff yr hyfforddiant ei gynnal yng nghyfleusterau arbenigol, pwrpasol y Coleg. Mae hefyd cyfleoedd am leoliadau gwaith, ynghyd ag ymweliadau â’r diwydiant ar draws ystod eang o gwmnïau cynhyrchu a chysylltiadau â’r diwydiant proffesiynol sy’n ymwneud â’r cwrs.

Bydd disgwyl i fyfyrwyr gwblhau profiad gwaith ychwanegol y tu hwnt i’w hamserlen coleg, gan roi cymorth iddyn nhw fagu hyder a sgiliau ymarferol yn eu maes astudio.

Bydd angen i’r holl ddysgwyr brynu cit llawn a gwisg cyn dechrau’r cwrs. Yn ogystal â’r prif gymhwyster, mae disgwyl i’r holl ddysgwyr gwblhau cymhwyster Sgiliau Hanfodol Cymru (Cyfathrebu a Chymhwyso Rhif) neu ail-sefyll TGAU, pan fo’n berthnasol.

Beth fyddwch yn ei astudio?

Mae’r cwrs prysur hwn yn edrych ar y sgiliau creadigol a thechnegol sydd eu hangen i weithio yn y diwydiannau theatraidd, cyfryngau ac effeithiau arbennig. Byddwch yn datblygu eich arbenigedd mewn meysydd fel defnyddio brwshys chwistrellu aer, colur i’r cyfryngau a thechnegau defnyddio colur i guddio, steilio ffasiwn a ffotograffig, a steilio wigiau. Mae hyfforddiant hefyd yn cynnwys gosod capiau moel a darnau prosthetig, yn ogystal â gwaith creu gwallt ffantasi i berfformwyr.

Yn ystod y cwrs cyfan, cewch gyfleoedd i weithio gyda chleientiaid a pherfformwyr go iawn, magu hyder mewn cyfathrebu proffesiynol, gofalu am gleientiaid, a chynnal safonau uchel o iechyd a diogelwch. Mae llawer o’n dysgwyr yn mynd yn syth ymlaen i swyddi yn y diwydiant, neu’n parhau i astudio gyda ni ar ein rhaglen Lefel 4: HNC Artistwaith Colur Technegol ar gyfer Teledu, Ffilm a Theatr.

Mae cyfleoedd i ailsefyll TGAU ar gael i ddysgwyr sy’n cyflawni gradd D mewn Mathemateg neu Saesneg.

*Cost Gwisg a Chit arbenigol gwallt a cholur: £600

Ffïoedd cwrs

Ffi Salon: £30.00

Gofynion mynediad

Bydd angen arnoch: 4 TGAU ar raddau A*–D, neu Ddiploma Lefel 1 gyda gradd 'Pas' neu uwch; gradd D neu uwch mewn TGAU Saesneg neu Gymraeg, neu 'Pas' yn y cymhwyster Sgiliau Hanfodol Lefel 1 mewn Cyfathrebu; gradd D neu uwch mewn TGAU Mathemateg, neu 'Pas' yn y cymhwyster Sgiliau Hanfodol Lefel 1 mewn Rhifedd.

Addysgu ac Asesu

Nid oes unrhyw fanylion asesu wedi'u gosod.

Pwyntiau pwysig

Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.