Iechyd a Gofal Cymdeithasol - A2
Ynghylch y cwrs hwn
Mae’r cwrs Safon Uwch TAG CBAC mewn Iechyd a Gofal Cymdeithasol, a Gofal Plant yn rhoi’r wybodaeth, dealltwriaeth a’r sgiliau trylwyr a manwl i fyfyrwyr sy'n ymwneud â datblygiad a gofalu am unigolion drwy gydol eu hoes. Mae’r cwrs hwn yn galluogi dysgwyr i ddatblygu ac arddangos eu gwybodaeth, eu sgiliau a’u dealltwriaeth ymhellach o fewn cyd-destun iechyd a gofal cymdeithasol, a gofal plant. Mae’r cwrs yn addas ar gyfer dysgwyr ôl-16 sydd wedi cwblhau’r cwrs Iechyd a Gofal Cymdeithasol Lefel UG.
Beth fyddwch yn ei astudio?
Ar ôl astudiaeth eang o iechyd a gofal cymdeithasol, gofal plant ar lefel UG, mae modd i ddysgwyr ddewis rhwng dau lwybr A2 i ddatblygu gwybodaeth a dealltwriaeth ddofn mewn naill ai gofal plant neu iechyd a gofal cymdeithasol oedolion.
Bydd y llwybr Gofal Plant yn ymdrin â:
• Safbwyntiau damcaniaethol ar ddatblygiad plant a phobl ifanc
• Cefnogi datblygiad, iechyd, llesiant a gwytnwch plant a phobl ifanc.
Bydd y llwybr Iechyd a Gofal Cymdeithasol Oedolion yn ymdrin â:
• Safbwyntiau damcaniaethol ar ymddygiad oedolion
• Cefnogi oedolion i gynnal eu hiechyd, eu llesiant a’u gwytnwch.
Gofynion mynediad
Cwblhau rhaglen AS yn llwyddiannus gan gynnwys presenoldeb boddhaol ac argymhelliad gan diwtor.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Mwy
Mae Coleg Caerdydd a’r Fro yn lle anhygoel i astudio Safon Uwch – yr athrawon, y gefnogaeth, y cyfleusterau a’r profiad cymdeithasol, maent oll wedi bod mor dda – rwyf yn hynod falch o fod wedi ennill fy ngraddau A yn fy arholiadau UG. Mae’r cymorth parthed gwneud cais ar gyfer y brifysgol a pharatoi ar gyfer prifysgol yn wych, ac rwy’n edrych ymlaen yn arw at ddatblygu wedi’r coleg.
Rhagolygon Gyrfa ac Astudiaeth Bellach
500
Mae’r cymhwyster yn darparu sylfaen addas i astudio iechyd a gofal cymdeithasol drwy ystod eang o gyrsiau addysg uwch, neu i gyflogaeth. Gall dysgwyr hefyd fynd ymlaen i gwblhau cymwysterau eraill o fewn y gyfres o gyrsiau iechyd a gofal cymdeithasol, a gofal plant.
Yn ogystal, mae’r fanyleb yn cynnig cwrs astudio cydlynol, boddhaus a gwerth chweil i ddysgwyr nad ydynt yn dymuno mynd ymlaen i astudio’r pwnc ymhellach, ond a fydd yn denu pwyntiau UCAS a all helpu dysgwyr fynd ymlaen i astudio cyrsiau Addysg Uwch.