Mae’r rhaglen Economeg Safon UG yn gwrs astudio am un flwyddyn a dylid ei dilyn ar y cyd â dau neu dri phwnc arall a Bagloriaeth Cymru. Wedi ei leoli yn ein campws Canol y Ddinas yng Nghaerdydd, efallai y bydd dysgwyr yn gallu cymryd y cymhwyster hwn fel myfyriwr rhan-amser. Mae’r rhaglen yn cynnwys cyfuniad o ficro-economeg a macro-economeg, a fydd yn datblygu dealltwriaeth o gysyniadau a theorïau economaidd, trwy ystyried materion, problemau a sefydliadau economaidd sy'n effeithio ar fywyd pob dydd yn lleol, yn genedlaethol ac yn fyd eang. Bydd myfyrwyr yn dysgu sut i gymhwyso cysyniadau a theorïau economaidd yn defnyddio amrediad eang o gyd-destunau ac i werthfawrogi eu gwerth a chyfyngiadau o ran esbonio ffenomena byd go iawn. Bydd dysgwyr hefyd yn datblygu gwerthfawrogiad o natur gymhleth a rhyngberthynol economeg a sgiliau dadansoddol a meintiol wrth ddethol, dehongli a defnyddio data priodol o amrywiaeth o ffynonellau. Yn ogystal, bydd cyfle i ddisgyblion ddatblygu ymwybyddiaeth o faterion economaidd cyfoes sy'n berthnasol i economi Cymru a chael dealltwriaeth o hanes economaidd diweddar Cymru gan ddefnyddio gwybodaeth sy'n hygyrch i’r cyhoedd. Yn olaf, bydd disgyblion yn astudio rôl marchnadoedd a’r modd mae llywodraethau yn ceisio eu rheoli.