Mae'r cymhwyster BTEC Cenedlaethol mewn Cyfraith Gymhwysol yn ymdrin â dwy uned orfodol:  Datrys Anghydfod mewn Cyfraith Sifil ac Archwilio Agweddau ar Gyfraith Trosedd a'r System Gyfreithiol.

Uned 1:  Datrys Anghydfod mewn Cyfraith Sifil (addysgir yn ystod Blwyddyn 1)
Asesir yn allanol. Gwerth 50% o'r cymhwyster (Cyfanswm o 60 marc)
Bydd dysgwyr yn archwilio sut mae anghydfod sifil yn cael ei ddatrys, yn y llysoedd a thrwy ddulliau amgen. Bydd dysgwyr yn archwilio cynsail a'i ddefnydd ym maes cyfraith esgeulustod, ynghyd â ffynonellau o gyngor, cyllid, datrysiadau ac atebion. 
Bydd dysgwyr hefyd yn datblygu sgiliau cyfreithiol mewn ymchwil ac yn defnyddio'r sgiliau ymchwil hynny i archwilio'r ffordd mae'r gyfraith yn cael ei chymhwyso, gan gynnwys y gallu i gyfeirio at ffynonellau cyfreithiol a sut i gyfathrebu'n broffesiynol gyda chydweithwyr a chleientiaid.
(NODER: Os yw'r dysgwyr yn mynd ymlaen i Dystysgrif Estynedig, bydd yr uned hon yn cyfrannu at 25% o'r cymhwyster cyfan)

Uned 2: Archwilio Agweddau ar Gyfraith Trosedd a'r System Gyfreithiol (addysgir yn ystod Blwyddyn 1)
Asesir yn Fewnol. Gwerth 50% o'r cymhwyster BTEC Cenedlaethol (Cyfanswm o 60 marc)
Bydd myfyrwyr yn dysgu sut mae cyfreithiau'n cael eu creu a'u dehongli, pwy sy'n cynghori a phenderfynu ar ganlyniadau achosion troseddol a'r cosbau y gellir eu pennu os bydd cyfreithiau'n cael eu torri. Yna, byddant yn darparu cyngor i gleientiaid ar astudiaethau achos o droseddau nad ydynt yn angheuol. 
Yn yr uned hon, bydd dysgwyr yn datblygu'r sgiliau i archwilio ac ymchwilio sut mae deddfau gwahanol yn cael eu creu yn y Senedd, a'r tu allan iddi, a'u dehongli mewn llysoedd. Bydd dysgwyr yn defnyddio sgiliau ymchwilio i archwilio'r ffordd mae'r gyfraith yn cael ei datblygu a'i chymhwyso.
Bydd yr uned hon yn darparu dealltwriaeth o'r ffordd mae'r system cyfiawnder troseddol yn gweithio ym Mhrydain. Bydd yn darparu cyfle i ddatblygu sgiliau gwneud penderfyniadau, cyfathrebu, cyflwyno a meddwl yn feirniadol.
(NODER: Os yw'r dysgwyr yn mynd ymlaen i Dystysgrif Estynedig, bydd yr uned hon yn cyfrannu at 25% o'r cymhwyster cyfan)

Uned 3: Cymhwyso'r Gyfraith (addysgir yn ystod Blwyddyn 2)
Asesir yn Allanol. Gwerth 33% o'r cymhwyster cyffredinol sy'n cynnwys BTEC Cenedlaethol
Bydd dysgwyr yn archwilio'r gyfraith sy'n gysylltiedig â throseddau penodol, gan gynnwys llofruddiaeth a dynladdiad, a throseddau yn erbyn eiddo, megis lladrad a byrgleriaeth. Bydd myfyrwyr yn archwilio gweithdrefnau sydd gan yr heddlu ar gyfer delio â throseddau o'r fath, yn ogystal â rhoi ystyriaeth i effaith a goblygiadau troseddau. Hefyd, bydd dysgwyr yn archwilio'r ddeddf sy'n gysylltiedig ag arestio, carcharu a chwilio pobl ac eiddo. 
Bydd myfyrwyr yn archwilio'r gyfraith achos sy'n gysylltiedig â throseddau go iawn, a bydd yn rhaid iddynt fod yn ymwybodol o Ddeddfau Seneddol sy'n berthnasol i droseddau a gweithdrefnau'r heddlu. 
Mae sgiliau datrys problemau ac ymchwilio cyfreithiol yn ganolog i ddysgu'r myfyrwyr, a defnyddir y sgiliau hyn i archwilio'r ffordd mae'r gyfraith yn cael ei datblygu a'i chymhwyso yn ogystal â sgiliau gwneud penderfyniadau a chyfathrebu, lle bydd dysgwyr angen penderfynu sut i gynghori cleientiaid, neu sut y dylai'r heddlu ymateb i sefyllfa benodol. Bydd sgiliau dadansoddol a meddwl yn feirniadol hefyd yn cael eu datblygu.

Uned 4 uned Opsiynol (addysgir yn ystod Blwyddyn 2)
Uned 7: Agweddau ar Gamweddau.  Asesir yn fewnol. Gwerth 17% o'r cymhwyster cyffredinol sy'n cynnwys BTEC Cenedlaethol).

Addysgu ac Asesu: 

Uned 1 - Datrys Anghydfod mewn Cyfraith Sifil (Uned Orfodol a Synoptig) Asesiad wedi'i oruchwylio'n allanol 1 awr 30 munud.
Uned 2 - Archwilio Agweddau ar Gyfraith Trosedd a'r System Gyfreithiol (Uned orfodol) - Asesiad mewnol.
Uned 3 - Cymhwyso'r Gyfraith (Uned Orfodol) - Asesir yn Allanol
Uned 7 - Agweddau ar Gamweddau - asesiad Mewnol - sefyllfaoedd ysgrifenedig

Gofyniad Mynediad Unigol i’r Pwnc TGAU Mathemateg a Saesneg Gradd C

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.